HTC論壇

標題: 香港U11+送修問題 [打印本頁]

作者: fc0f2259-306c-46c0-9048-c597bd7a5c2c 時間: 2018-12-17 17:49
標題: 香港U11+送修問題
你好，我是香港的U11+用戶（保養期未過）。我的電話聽筒位置於12月8、9日突然變得好細聲，本以為是軟件/App衝突問題並未送去維修。經過自我的一番測試後（刪除部份app），情況並未改善；所以在12月12日送去維修中心（即聯強代理）進行檢查維修。

期間我曾致電客戶服務熱線查詢維修詳情及時間，但未能即時回覆；故我留下聯絡電話要求其稍後回覆，惟2個多小時仍無法得到回覆。

我惟有再去維修中心了解，始得知貴維修中心認爲我的電話左送修前被拆開及粘貼過而不負責維修！並表示已曾致電及短訊本人解釋及報價！

首先，本人的U11+由購買當日至12日送修前並未壞機過，跟本沒有被拆開維修的需要更遑論本人拆開。第二，送修後我從未收到客或維修中心的通知。

我認真覺得維修代理因為不想維修而作出種種藉口逃避責任，並且指控本人的手機被拆開過。

作者: 9f71a1ad-0380-43d4-8346-0be8cf5baaeb 時間: 2018-12-17 18:12

哈囉您好，有關您所反映的情況，目前已轉交給內部相關單位了解，謝謝！

作者: fc0f2259-306c-46c0-9048-c597bd7a5c2c 時間: 2018-12-17 19:09

HTC小博士發表於 2018-12-17 18:12
哈囉您好，有關您所反映的情況，目前已轉交給內部相關單位了解，謝謝！
...

由於貴公司的客服承諾今日晚上7點前回覆我有關投訴反映的進度，所以本人於下午6時30分再次致電貴公司客服查詢有關跟進詳情。但貴司的客服只是再次重複櫃維修代理聯強的意見，即本人的手機曾被拆開並再次粘合以致有膠水影響手機運作不予維修，同時要求本人自行與聯強磋商有關維修安排及雙方意見之分歧，即本人的手機並未拆開過。
本人感到貴客服的安排十分不合理因為htc手機的保養服務由貴公司htc提供並非聯強，而當客人與貴維修代理有意見分歧視，我應該係向 htc即你們反映。
我投訴及追究的重點是本人由2018年1月購買及使用至今，並沒有拆開過手機。如聯強的檢查屬實，那是否貴公司出品是的qc有問題。
我實在不能接受在我沒有拆開過手機的情況下被指控拆開手機而令到手機未能受到保養

作者: fc0f2259-306c-46c0-9048-c597bd7a5c2c 時間: 2018-12-18 14:02

HTC小博士發表於 2018-12-17 18:12
哈囉您好，有關您所反映的情況，目前已轉交給內部相關單位了解，謝謝！
...

今日12點左右收到聯強sms 叫我拎機，所以我再打畀你哋客戶服務問究竟有咩跟進，咁佢淨係又係同我講話要睇下師傅整唔整同埋確定我部機係咪真係開過。
我好明確咁同你哋客戶服務嗰邊講我投訴嘅重點係我冇開過部機，但係你哋嘅維修代理話我開嗰部機。因為我作為消費者我買機嘅時候我唔會拆開你部機去檢查係咪原廠㗎，我拎上手冇崩花爛裂，接口位係正常冇罅隙，咁我就當佢係正常㗎嘛，我信嘅係你哋間公司吖嘛。再者我部機仲有保養㗎嘛我點解要拆開部機呢，個指控係咪好唔合理呢？
我而家淨係要求整番好佢，如果唔整嘅話我就拎番部機去做其他投訴同跟進。
我唔明白點解你哋客戶服務中心每一次打去都係要問聯強攞指示嘅，唔係htc 聘請聯強呢間公司做維修嘅咩。成個流程好似調轉咗，我好似係變咗同聯強買機喎

客戶服務陳先生喺2點打返畀我，純粹傳達咗個意思就係話我部電話已經送返去你哋灣仔嘅維修代理個中心度叫我去，然後就唔會維修㗎啦咁。我就要求佢上級打畀我，但佢話啲嘢佢上級唔會處理喎。
咁我想問你哋個客戶服務係咪就係傳聲筒嚟㗎咋，完全冇任何嘅解決方法／解決意見畀我，淨係叫我畀錢整，咁我部機冇開過㗎嘛，點解要俾錢呢！！！！！

歡迎光臨 HTC論壇 (https://community.htc.com/tw/)